Nanatanteraka ny fampanantenan’ny Ben’ny Tanana an’Antananarivo Renivohitra, Lalao RAVALOMANANA. Nitarina indray ny foto-drafitra asa ao amin’ny tsenan’Anosibe. Efitrano miisa 26 no andalam-panamboarana ary ireo tena mpivarotra no hisitraka izany.
Efa 3300 izao ny mpivarotra mandrafitra ny tsenan’Anosibe.
Nohatsaraina ihany koa ny toerana iantsonan’ny fitaovam-pitanterana. “Natokana ho an’ireo mpivarotra, mpividy ary mpitatitra entana izany”, hoy ny Lehiben’ny tsena, Landry RAMAROSANDY.