TRANO MAY TETY ITAOSY: Kila firehitra avokoa ny hazo sarobidy sy ny milina.

Ny alahady no nahatsiarovana ny nahamay ny Rovan’Antananarivo. Fifandrifian-javatra tokoa ve ny zavatra nitranga tety Itaosy? Androany tamin’ny 02 0ra sasany maraina nisy fivarotan-kazo kilan’ny afo. May tao avokoa ny milina fampiasa ary lavenona sisa ireo hazo sarobidy izay mitentina an-tapitrisa maro. Anisany niharan’ny famaizana ihany koa ny  trano fanaovam-bolo teo akaikiny. Izay zaka bataina sisa no hany voaavotra. Raha ny vaovao voaray, court-circuit no nahatonga ny firehetana ka nihititra be izany satria mbola tsy tonga ny sampana mpamonjy voina. Adiny iray taty aoriana vao nigadona teny amin’ny betavoahangy itaosy , toerana nahitana ny haitrano izy  ireo. Rehefa niantso azy ireo ny olona iray dia  tsy maintsy  nanao fanekena handoa ny lasantsy  ilaina amin’ny famonoana ny afo ». Adiny ny efatra teo vao voafehy tanteraka  ny afo.