Nahazo ny anjara arendrina ihany koa ireo ankizy mipetraka ao Antanetibe, kaominina Bongatsara satria nitondra izay voatsirambin’ny tanany ny TAFIA na “Tanora Antoky ny Fampandrosoana Ifotony Avarandrano. Sampana iray mivondrona ao anatin’ny fikambanana AS TAFIM izy ity. Ankizy an-jatony izay sahanin’ny fikambanana “Kely mavitrika” no nozaraina arendrina. Tokony hifaly sy hifety ihany koa ny ankizy rehetra ary anisan’izany ireo monina eny ambonivohitra, hoy ny Filohan’ny fikambanana, Fulgence RAMAMONJISOA
Tafiditra ao anatin’ny fanamarihana ny fetim-pirenena Malagasy sy ny faha-56 ny foloalindahy izao hetsika izao. Mbola hitohy any amin’ny faritra hafa izany androany.